“Zhizel” ngjitet në skenën e TOB

0

Teatri i Operës dhe Baletit prezantoi dje kalendarin artistik për dy muajt e parë të vitit, aktivitete jo vetëm opera, por dhe balete, koncerte dhe shfaqje nga Ansambli Kombëtar.

Opera “Toska” e Puçinit me regjinë e Nikolin Gurakuqit, dirigjent Edmond Doko, solistët dhe orkestrën Simfonike të TOB, ishte shfaqja e parë artistike për këtë sezon, e cila u ngjit në skenë me datë 14 janar do të vijojë në skenë dhe në datat 20 dhe 24 janar

Ditët dhe muajt në vazhdim kalendari artistik do të vijojë me simbolin e baletit klasik dhe romantik, baleti “Zhizel” nga Adam.

“Zhizel” mban emrin e mjeshtrit Agron Aliaj dhe Jacline De Minesipas. Baltmaestër Alisa Gjoni, gjithashtu kjo shfaqje do të sjellë në të disa të ftuar të veçantë Petra Conti & Eris Nezha, balerinë të parë në “La Scala”, dirigjent Edmond Doko dhe do jetë në skenë në datat 21-22-25-26 janar, dhe 8 – 9 shkurt.

Kalendari artistik nuk mbyllet vetëm me kaq, ajo do të vijojë me një gala të organizuar nga Shkolla e Baletit

Ndërsa data 27 janar sjell dhe koncertin e parë të Ansamblit Kombëtar të Këngëve dhe Valleve Popullore. Data 28 janar sjell koncertin recital të pianistes Ardita Bufaj, si dhe me pjesëmarrjen e solistëve lirikë të TOB.

Gjithashtu këtë vit nuk do të mungojnë edhe veprat e vitit që lamë pas, baleti “Halili dhe Hajria” e kompozitorit Tish Daija.

Koncerti i Ansamblit Popullor me krijimtarinë e Besim Zekthit do të jetë në skenë më datë 4 shkurt. Opera gazmore “Cosi fan tutte” nga Mozart është vepra që plotëson më tej kalendarin artistik. Regjisor Nikolin Gurakuqi, dirigjent Stefani Ligoratti, interpretojnë solistët, kori dhe orkestra Simfonike e TOB, ku publiku do të ketë mundësinë ta ndjekë në datat 19-21-23 shkurt.

/Sonila Qazimi/

 

PËRGJIGJU

Please enter your comment!
Please enter your name here