Udheheqësi I Iniciativës Qytetare “Serbia,demokracia,drejtësia” Oliver Ivanoviq është qëlluar më armë zjarri nga persona të pa identifikuar. Ngjaraja ka ndodhur në veri të Mitrovicës në rrugën “Sutjeska” rreth orës 08:10 minuta.

Viktima është dërguar në qendrën spitalore në veri të Mitrovicës,ndërsa mjekët kanë konstatuar vdekjen e tij.

Gjithashtu, rreth orës 09:15min, në rrugën “Vojvode Putnika” në veri të Mitrovicës, është lokalizuar një makinë private e markës “Opel Astra”, pa targa, të cilës paraprakisht i ishte vënë zjarri, ndërsa Policia dyshon se mund të jetë e lidhur me rastin e vrasjes.

Në vendngjarje janë gjetur prova materiale,ndërsa policia po heton për gjetjen e autorit dhe zbardhjen e plotë të ngjarjes.

Përgatiti: E.B