Bashkia e qytetit të Vlorës ka marrë një vendim për prishjen e kioskave të shpërndara në qytet, përjashto ato që ndodhen pranë stacioneve të autobuzëve. Vendimi në fjalë u është bërë e ditur pronarëve të tyre, të cilët i janë drejtuar zyrës së deputetit Edi Rama në këtë qytet. Ata i kanë kërkuar kthimin mbrapsht
Bashkia e qytetit të Vlorës ka marrë një vendim për prishjen e kioskave të shpërndara në qytet, përjashto ato që ndodhen pranë stacioneve të autobuzëve.
Vendimi në fjalë u është bërë e ditur pronarëve të tyre, të cilët i janë drejtuar zyrës së deputetit Edi Rama në këtë qytet. Ata i kanë kërkuar kthimin mbrapsht të
vendimit të Bashkisë së qytetit për heqjen kioskave të tyre.
Tregtarët e firmosën peticionin i cili mbërriti mesditën e sotme në zyrën e deputetit Rama, ndërkohë që pronarët në peticion e cilësojnë vendimin e
padrejtë, pasi pretendojnë se janë taksapagues të rregullt. Ata thanë se iu është dorëzuar një njoftim me procesverbal, në të cilin thuhet se ditën e mërkurë do të nisë prishja.
Ata thanë se nuk kanë mundur të marrin informacion të mëtejshëm në Bashki rreth vendimit, ndërkohë që shprehen se duan t’i mbajnë këto vende pune, me te cilat mbajnë familjet.
Bashkia e Vlorës vendosi sot nisjen e aksionit për heqjen e kioskave në qytetin bregdetar të Vlorës.
/XHevahir Qardaku/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *