Sipas BBC-së, vëzhguesit ndërkombëtarë kanë raportuar se votimi në Shqipëri ka qenë pjesërisht i suksesshëm dhe i përputhshëm me standardet evropiane. I gjithë ky proces zgjedhorë është  test për demokracinë në vend dhe të ardhmen tonë evropiane.

Sipas vëzhguesve të OSBE-së, pjesëmarrja mbi 50% është e kënaqshme  dhe  nga zgjedhjet e fundit të realizuara në vend ka patur progres. Ajo që bie në sy sipas tyre, është shpallja e fitores nga partitë kryesore akoma pa filluar procesi i numërimit, këtij shqetësimi i është bashkuar edhe ish-presidenti, Alfred Moisiu dhe Komisioni Qendrorë i Zgjedhjeve.

Jorgen Grunnet, kreu i vëzhguesve zgjedhorë nga katër organizatat ndërkombëtare tha për BBC;
“Disa nga problemet që janë konstatuar janë : mbipopullimi, vonesat dhe pasiguria lidhur me identifikimin e votuesve që dha një përshtypje të çorganizimit…”. Ai shtoi se: “disa nga standardet ndërkombëtare pothuajse u përmbushën, disa pothuajse nuk u përmbushën, dhe disa ishin në mes”.

/Bekim Bici/