Një burrë 57-vjeçar me sëmundje terminale të zemrës, i cili hyri në histori si personi i parë që vuri zemrën e një derri , ka vdekur në spital. David Bennett, një artizanal nga Hagerstown, Maryland, ishte personi i parë në botë që iu implantua një zemër derri të modifikuar gjenetikisht. Djali i Bennett e kishte përshkruar operacionin si një “mrekulli” dhe falenderoi spitalin për ofrimin e fundit.

Spitali tha se zemra e transplantuar kishte performuar mirë pa asnjë shenjë refuzimi. Gjendja e tij filloi të përkeqësohej disa ditë më parë, duke shtuar se Bennett iu dha “kujdes i jashtëzakonshëm  ” edhe pse ishte e pritshme që ai nuk do të shërohej.

Djali i Bennett vlerësoi spitalin për ofrimin e operacionit duke thënë se familja shpresonte se do të ndihmonte përpjekjet e mëtejshme për t’i dhënë fund mungesës së organeve. “Ne jemi mirënjohës për çdo moment inovativ, çdo ëndërr të çmendur, çdo natë pa gjumë që shkoi në këtë përpjekje historike,” tha djali I David Bennett  në një deklaratë të lëshuar nga UMMC.

“Për zotin Bennett, ky operacion ishte mundësia e tij e fundit. Përpara se të jepte pëlqimin për të marrë transplantin, zoti Bennett ishte plotësisht i informuar për rreziqet e këtij operacioni dhe se procedura ishte eksperimentale me rreziqe dhe përfitime të panjohura. Zemra e transplantuar performoi shumë mirë për disa javë pa asnjë shenjë refuzimi”, tha spitali të mërkurën.

Mjekët për dekada të tëra kanë kërkuar që një ditë të përdorin organet e kafshëve për transplante që shpëtojnë jetën dhe derrat janë konsideruar prej kohësh një burim i mundshëm, sepse organet e tyre janë shumë të ngjashme me njerëzit. Përpjekjet e mëparshme në transplantet nga derri te njeriu kishin dështuar për shkak të dallimeve gjenetike që shkaktonin refuzim të organeve ose viruseve që përbënin rrezik infeksioni.

Përshtati : Elda Ndreu