UEFA ka zyrtarizuar sot 9 vendet që kanë aplikuar për organizimin e Superkupës së Europës në vitin 2020.

Federata Shqiptare e Futbollit ka shfaqur përsëri interers për të sjellë në Shqipëri një Supërkupë. Shqipëria e provoi muaj më parë, pa ia dalë mbanë, por organizimi i një Superkupe Europe mbetet synim madhor.Shqipëria është paraqitur në këtë garë me “Arenën Kombëtare”, një stadium në ndërtim që pritet të përfundojë në 2018 dhe me një kapacitet prej 22 mijë e 500 vende

Afati për të dorëzuar aplikimin ishte deri më 12 janar dhe nuk lejohej kandidimi i vendeve që do të prisnin ndeshje të Kampionatit Europian 2020. Komiteti Ekzekutiv i UEFA-s do ta zgjedhë vendin organizator në maj të këtij viti.

Vendet   e tjera që kanë shfaqur interes për të pritur Superkupën e Europës 2020 janë

Shqipëria, Tiranë, Arena Kombëtare

Bjellorusi, Minsk, Dinamo Stadium

Finlandë, Helsinki, Helsinki Olympic Stadium

Francë, Nicë, Grand Stade de Nice

Izrael, Haifa, Sami Ofer

Kazakistan, Almati, Almaty Central Stadium

Moldavi, Kishinjev, Zimbru Stadium

Irlanda e Veriut, Belfast, Ëindsor Park

Portugali, Porto, Dragão