Tryeza e përbashkët që zhvilloi Presidenti Nishani për diskutimin e reformës në Drejtësi u pasqyrua me qëndrime të ftohta mes kryeqeveritarit Rama dhe kreut të opozitës, Lulzim Basha. Secili prej tyre takoi në nisje të takimit Kreun e shtetit, Kreun e Kuvendit dhe përfaqësuesit e SHBA-së,BE-së dhe OSBE-se, por jo kundërshtarin politik.

Kreu i maxhorancës ishte i pari që iu drejtua Hotel Tiranës 30 min përpara se të niste takimi. Së bashku me Drejtorin e Komunikimit, Endri Fuga, ai u ul në barin e hotelit. Më vonë mbërritën edhe pjestarët e tjerë, ku shumica e tyre ishte pjesë e gjyqësorit. Gjatë kësaj kohe Kreu i qeverisë u përqëndrua aq shumë në fjalimin e përgatitur, saqë ndryshoi edhe pozicion në atë mënyrë që t’i kishte të gjithë pas kurrizit.

Pas disa minutash të pranishëm do të jenë Kreu I Kuvendit Ilir Meta dhe Kreu I PD-së Lulëzim Basha, të cilët do të drejtohen për nga tryeza.

/Objektiv.al/