11 parcela me lëndë narkotike kanabis sativa janë sekuestruar nga policia në zonën e Zall-Bastarit në Tiranë.

Sipas operacionit të koduar “Luca 1” është bërë një kontroll i imtësishëm i territorit duke zbuluar 11 parcela të mbjedha me bimë narkotike të llojit kanabis sativa në pyllin e fshatit Luce-Zall Mne, Komuna Zall-Bastar, Tiranë.

Nga veprimet e kryera u asgjësuan 1910 bimë narkotike, me anë të djegies me zjarr, ndërsa janë sekuestruar 20 bimë në cilësinë e provës materiale.

Nga hetimet e kryera dyshohet se këto bimë janë kultivuar nga shtetasit Nazmi Mahmuti, 46 vjeç dhe Bilal Aruçi, 40 vjeç, të dy banues në Kamëz, Tiranë.

Materialet e mbledhura do t’i kalojnë Prokurorisë së Rrethit Gjyqsor Tiranë për veprën penale “Kultivim i bimëve narkotikë”

/Rovena Dupi/