Kryendeshja e javës së 16-të mes Tiranës dhe Skenderbeut do të luhet në “Elbasan Arena”. Lajmi bëhet i ditur nga Federata Shqiptare e Futbollit, e cila qartëson se ndeshja do të luhet të shtunën më datë 13 dhjetor, ora 13:00.

Kjo ndeshje do të luhet pa tifozë, pasi Tirana si ekip pritës është e detyruar të luajë pa përkrahjen e mbështetësve të saj, për shkak të trazirave që ndodhën pikërisht në “Elbasan Arena”.

Skenderbeu pozicionohet në vendine  dytë me 30 pikë, tre më pak se partizani, ndërsa Tirana një vend më poshtë me 29 pikë.