Ndërkohë që Tirana është “zhytur” në atmosferën e festave të fundvitit, pranë digës së Liqenit Artificial kanë nisur intensivisht punimet për ndërtimin e pallatit 17-katësh.

Edhe pse ka një vendim qeverie për ndalimin e ndërtimeve, tashmë puna për ndërtimin e këtij pallati po vazhdon ditë e natë. Për këtë kompleks është shkruar shumë nga mediat, por edhe më shumë nga aktivistët e mjedisit, që disa herë kanë protestuar, por mesa duket nuk kanë pasur forcën e duhur.