Presidentja e Koresë së Jugut, Park Hye-Geun, kërkoi falje të hënën për një skandal që përfshin një zëdhënës të kabinetit të saj. Ajo e shkarkoi nga puna atë javën e kaluar për sjellje të pahijshme seksuale në Shtetet e Bashkuara. Ish-ndihmësi, Yoon Jung Chang, është i akuzuar për sjellje të papërshtatshme javën e kaluar kundrejt
Presidentja e Koresë së Jugut, Park Hye-Geun, kërkoi falje të hënën për një skandal që përfshin një zëdhënës të kabinetit të saj. Ajo e shkarkoi nga puna atë javën e kaluar për sjellje të pahijshme seksuale në Shtetet e Bashkuara.
Ish-ndihmësi, Yoon Jung Chang, është i akuzuar për sjellje të papërshtatshme javën e kaluar kundrejt një studenteje femër, e cila ishte punësuar si udhëzuese, ndërsa Yoon ishte në Uashington për vizitën e parë zyrtare të Park-ut në Shtetet e Bashkuara.
“Më vjen shumë keq që një incident i pakëndshëm, në të cilin një zyrtar publik nuk duhet të përfshihet, ka ndodhur pranë fundit të vizitës sime në SHBA dhe ka zhgënjyer popullin”, tha Park të hënën në një takim me zyrtarët e lartë. Kjo ishte hera e parë që ajo ka komentuar publikisht për këtë çështje.
Deri më tani nuk janë shpalosur detaje të tjera për atë çka akuzohet se ka bërë 65-vjeçari Yoon. Policia e Uashingtonit deklaroi vetëm se po hetohet një rast për abuzim seksual, pa përmendur specifikisht emrin e tij.
/Enerida Malo/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *