“Gjenerali i klarinetës” Laver Bariu është ndarë sot nga jeta në moshën 85-vjeçare, pasi prej kohësh vuante nga një sëmundje e rëndë. Bariu lindi në Përmet

më 2 maj 1929, ndërsa në shumë vende të botës njihet si krijuesi i Sazeve të Përmetit. Prej kohësh ai ka qenë një prej ikonave të klarinetës dhe këngës popullore në Shqipëri.

Laveri është vlerësuar më shumë çmime, ndër të cilat përmendim dekorimin në 2001 nga Presidenti i Republikës Rexhep Mejdani me titullin “Mjeshtër i madh i punës”. Muzika me Saze e Laverit rënditet në krye të iso-polifonisë, në UNESCO si “kryevepër e trashëgimisë shpirtërore të njerëzimit”.

Ai është cilësuar si një prej ustallarve më të mëdhenj të sazeve të jugut. Sazet e Usta Laverit janë formacioni më

i kompletuar i Sazeve të Jugut për periudhën ndërmjet viteve 1950-1990. Muaj më parë bashkia e Përmetit në nder të mjeshtër Laverit, por dhe figurave të tjera të njohura të kësaj zonë vendosi në bulevard yjet me emrat e tyre.

/Sonila Qazimi/