Shtyhet seanca pleanare në  orën 18:00 të ditës së mërkurë, ku do të prezantohet programi i Qeverisë nga Kryeministri i zgjedhur , Edi Rama.

Sipas  njoftimit për mediat, Zyra e Shtypit e Kuvendit bëri me dije shtyrjen e seancës, e cila ishte caktuar  të zhvillohej në orën 11:00.

Kryetari i Parlamentit, Ilir Meta zhvilloi një takim me krerët e grupeve Parlamentare Gramoz Ruçin, Edi Palokën dhe Petrit Vasilin. Burime pranë  Kuvendit bëjnë të ditur se takimi ishte konstruktiv dhe se palët kanë rënë dakord që opozitës t’i jepet koha e duhur për të shqyrtuar dhe diskutuar programin qeverisës.

/Jonida Halili/