Shpenzimet për udhëtimet jashtë kanë shënuar një rritje prej 14% krahasuar me trejmujaorin e parë të vitit 2012. Shqiptarët kanë shpenzuar rreth 206 milionë euro për udhëtimet jashtë vendit gjate tremujaorit të parë të këtij viti.

Sipas raportit të Bankës së Shqipërisë   nga viti 2011 balanci tremujor neto i të ardhurave valutore nga udhëtimet rezultoi negativ, që do të thotë se shqiptarët kanë shpenzuar në udhëtimet jashtë vendit më shumë para se të huajt kanë sjellë në udhëtimet e tyre në Shqipëri.

Pavarësisht nga kriza ekonomike, shqiptarët duket të shpenzojnë shuma të konsiderueshme për udhëtime jashtë vendit.

/Enkeleda Cami/