Kombëtarja shqiptare U-16 e drejtuar nga trajneri Alban Bushi ka fituar edhe ndeshjen e tretë të turneut “UEFA Development 2015″. Ekipi kuqezi fitoi dje 1-0 përballë Qipros me një gol të shënuar në fund të pjesës së parë nga sulmuesi i talentuar Rolando Zenuni.

Kjo ishte fitorja e tretë radhazi për trajnerin Bushi, pasi fitoi me Malin e Zi, Armeninë dhe dje përballë Qipros. Është hera e parë që Shqipëria e fiton këtë trofe.