Dy autobusë të linjave urbane të kryeqytetit janë përplasur sot në mëngjes, për shkak se shoferi i njërit prej tyre ishte i dehur.

Ngjarja ndodhi në afërsi të “Pallatit me Shigjeta”, ku autobusi i Kasharit është përplasur me atë të Kinostudios dhe për pasojë janë plagosur lehtë disa prej pasagjerëve.

Në vendin e ngjarjes kanë mbërritur forcat e policisë të cilët kanë nisur hetimet për këtë ngjarje, ndërsa janë ndaluar dy drejtuesit e urbanëve. Nga të dhënat e para bëhet e ditur se përplasja mes dy autobusëve ka ndodhur për shkak se shoferi i autobusit të Kasharit ishte i dehur.