Një  vrasje me armë zjarri është shënuar në orët e para të mëngjesit të sotëm.

Ngjarja e rëndë ka ndodhur në fshatin Arbanë, ku i vdekur ka mbetur 35 vjeçari Astrit Marku.

Sipas të dhënave viktima kishte shkuar për të vjedhur, por është pikasur nga roja i objektit, i cili, ka shtënë me armë drejt tij duke e lënë të vdekur në vend.

Sipas policisë, autori i krimit është 18 vjeçari Kleandro Zefi, ndërsa mësohet se bashkëpunëtor në vjedhje ka qenë edhe Andi Allamani.

Në vendngjarje ndodhen forca të shumta policie, ndërsa vrasja është kryer për vetëmbrojtje.

/Elona Tereziu/