Në gjimnazin “Sami Frashëri” në Tiranë ka vijuar mësimi një ditë pas tërmetit. Gjimnazi “Sami Frashëri” pas lëkundjeve të fuqishme të tërmetit  të 26 nëntorit ka pasur dëmtime të shumta të godinës. Pasi dëmtimet përbënin rrezik për jetën, godina është e klasifikuar nga inxhinierët “jashtë funksionit”.

Mirëpo drejtoresha e gjimnazit, Teuta Dobi është shkarkuar nga detyra për arsye se një ditë pas tërmetit ka lejuar që në shkollë të zhvillohej mësimi rregullisht.

Pa marrë parasysh ankthin, frikën dhe tmerrin që nxënësit përjetuan një natë më parë nga tërmeti i fuqishëm, ata duhet të përjetonin edhe stresin e provimit të gjermanishtes.

Arbër Tushe