Ariel Kastro, i njohur ndryshe si “monstra e Klivlendit”, u dënua të enjten me burgim të përjetshëm pa mundësinë e lirisë me kusht.

Kastro u shpall fajtor për abuzim dhe torturim, për më shumë se 10 vjet, të tre femrave  nga Ohio. Vajzat që ai mbate peng ishin shpallur të zhdukuara gjatë viteve 2002-2004.

Kastro, i cili u shpall fajtor për rrembim, dhunim dhe vrasje nga 937 gjykata të ndryshme, u gjykua përfundimisht në një seancë 5 orëshe nga Gjykata e Kujahogas (Cuyahoga).

Ai shokoi trupin gjykues duke deklaruar se kishte ” shumë harmoni” në shtëpinë ku ai izoloi dhe torturoi Amanda Berry, Gina DeJesus dhe Michelle Knight-in. 53-vjeçari fajëson dhunën që ka vuajtur si fëmijë për sjelljen e tij të mëvonshme.

Michelle Knight, e vetmja viktimë e Kastros që dëshmoi në emër të saj, iu drejtua gjykatës me fjalët “më në fund po degjohem dhe unë.”

“Ariel Kastro, unë shpenzova 11 vjet në ferr, tashmë po fillon ferri yt,” tha ajo. “Çfarë mendon Zoti për dikë si ti, që shkon çdo të diel në kishë dhe kthehet pastaj në shtepi dhe na torturon ne?”

Ndërkohë një vendim i një tjetër gjykate javën e kaluar e dënoi Kastron me dënimin kapital për abuzimin me një grua shtazënë derisa ajo dështoi foshnjën e saj.

Por në gjykimin përfundimtar të së enjtes u vendos dënimi i tij me burgim të përjetshëm. Prokurori i Gjykatës se Kujahogës, Tim McGinty, tha se edhe pse Kastro i pranon krimet e tij jonjerëzore, ai mbetet i pamëshirshëm për veprimet e tij.

/Irida Vata/