SHBA: Babai vret 4 fëmijët e tij

0

Në Shtetet e Bashkuara të Amerikës ndodhi tragjedia e radhës, nga përdorimi i armëve të zjarrit. Një person qëlloi brenda banesës së tij në Hjuston të Teksasit, duke vrarë katër fëmijët e tij dhe duke plagosur dy të tjerë.

Ndërsa njëra prej vajzave të autorit të dyshuar është në gjendje kritike për jetën. Megjithatë, ajo arriti që të njoftojë policinë për ngjarjen, e cila rrethoi menjëherë zonën.

Kur lajmëroi autoritetet, vajza tha se babai i saj do të shkonte edhe te shtëpia e gjyshërve për t’i vrarë. Pas një rrethimi prej dy orësh, i dyshuari u dorëzua.

Fëmijët e vrarë janë nga katër deri në 13 vjeç, ndërsa dy të rriturit, të dy meshkuj, mendohet se janë të afërm të të dyshuarit.

Ende nuk dihet arsyeja e vërtetë e ngjarjes, por mendohet për shkaqe të mosmarrëveshjeve familjare.

Situata të tilla, sjellin gjithnjë në vëmendje në SHBA, debatin për ndalimin e përdorimit të armëve nga civilët.

/ Dorjan Gjepali /

PËRGJIGJU

Please enter your comment!
Please enter your name here