Katër ngjarje të rënda në katër ditët e fundit. Tre gra ekzekutohen nga bashkëshortët. Socialistët:” Vendi i gjunjëzuar nga krimi”. Burgaj kritika drejtuesve në rrethe. Në vendin tonë një seri vrasjesh në familje janë regjistruar ditët e fundit, ku për pasojë tre gra kanë humbur jetën. Paraditen e së shtunës një 46 vjecare u vra
Katër ngjarje të rënda në katër ditët e fundit. Tre gra ekzekutohen nga bashkëshortët. Socialistët:” Vendi i gjunjëzuar nga krimi”. Burgaj kritika drejtuesve në rrethe.
Në vendin tonë një seri vrasjesh në familje janë regjistruar ditët e fundit, ku për pasojë tre gra kanë humbur jetën. Paraditen e së shtunës një 46 vjecare u vra nga një sulm me thika prej ish-bashkëshortit të saj në rrugë, në një zonë jo larg qendrës sëTıranës.
Ditën e hënë dy krime të ngjashme ndodhën në Fushë Mamurras e sërish në Tiranë. Mediat njoftojnë se motivet dyshohet të kenë qenë ato të xhelozisë dhe problemet ekonomike. Ndërsa dje pasdite, një 62 vjecar në Sarandë, për motive pronësie, vrau vjehrrin e tij dhe la të plagosur rëndë edhe vjehrrën. Në një postim në faqen e saj në Facebook kryetarja e parlamentit Jozefina Topalli e cilëson gjithë këtë situatë si një çmenduri që duhet të marrë fund.
Drejtori i Përgjithshëm i policisë Hysni Burgaj, në një takim dje në Lezhë, tha se në asnjë rast drejtuesit e strukturave të policisë nuk duhet të tregojnë fshehtësi dhe se nuk duhet të ndikohen nga periudha e tranzicionit politik, duke paralajmeruar ndeshkime. Burgaj u shpreh edhe për strukurat e policisë rrugore, duke deklaruar se ato nuk duhet të përqendrohen në pikat nevralgjike dhe që janë objekt i personave që grabisin.
Nga selia e partisë socialiste deputeti Saimir Tahiri tha dje se vendi ndodhet nën thundrën e kriminalitetit. Ai i bëri thirrje punonjësve të policisë të përmbushin detyrën për të garantuar sigurinë publike dhe paprekshmërinë e qytetarëve shqiptarë e të tregojnë se shteti është në këmbë pavarësisht se bien qeveritë.
/Borana Belegu/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *