Ambasadori i Kosovës në Shqipëri Sylejman Selimi, disa javë më parë i pati drejtuar një letër proteste Ministrisë së Punëve të Jashtme të Kosovës, ku shfaqte pakënaqësinë e tij për praninë e kamerave brenda objektit të misionit diplomatik kosovar në Tiranë. Burime të gazetës kosovare bëjnë të ditur se vendosja e kamerave në zyrat e
Ambasadori i Kosovës në Shqipëri Sylejman Selimi, disa javë më parë i pati drejtuar një letër proteste Ministrisë së Punëve të Jashtme të Kosovës, ku shfaqte pakënaqësinë e tij për praninë e kamerave brenda objektit të misionit diplomatik kosovar në Tiranë.
Burime të gazetës kosovare bëjnë të ditur se vendosja e kamerave në zyrat e Selimit është e lidhur edhe me hetimet e muajve të fundit që EULEX-i ka kryer ndaj Selimit dhe pjesëtarëve të tjerë të UÇK-së, të cilët njihen si “Grupi i Drenicës”.
Sipas shpjegimeve të zëdhënësit të MPJ-së, Artan Behrami, kamerat nuk janë vendosur aty për të përgjuar Selimin. Sipas tij, bëhet fjalë për masa sigurie.
“Kamerat janë vendosur vetëm më ambientin e jashtëm dhe në korridoret brenda ambasadave, gjithmonë në përputhje të plotë të ligjit për mbrojtjen e të dhënave personale”, ka shtuar ai.
Behrami nuk e ka komentuar as letrën e Selimit, ku ky i fundit shfaqi pakënaqësitë për praninë e këtyre pajisjeve vëzhguese.
“Kamerat janë vendosur para ardhjes së ambasadorit Selimi në krye të ambasadës në Shqipëri”, ka thënë zëdhënësi i MPJ-së.
/Laugert Qosja/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *