Kryeministri grek, Antonis Samaras pritet të takohet me Presidentin Barack Obama dhe me Sekretarin e Shtetit John Kerry fjatë vizitës së tij 3-ditore në Uashington e Nju Jork. Lajmi është konfirmuar nga zëdhënësja e Departamentit Amerikan të Shtetit, Jennifer Psaki ku shprehet se: “Vizita e kryeministrit Samaras në Uashington thekson fuqinë e marrëdhënieve amerikano-greke. Sekretari
Kryeministri grek, Antonis Samaras pritet të takohet me Presidentin Barack Obama dhe me Sekretarin e Shtetit John Kerry fjatë vizitës së tij 3-ditore në Uashington e Nju Jork.
Lajmi është konfirmuar nga zëdhënësja e Departamentit Amerikan të Shtetit, Jennifer Psaki ku shprehet se:
“Vizita e kryeministrit Samaras në Uashington thekson fuqinë e marrëdhënieve amerikano-greke. Sekretari Kerry do të rikonfirmojë mbështetjen e SHBA-së për Greqinë ndërsa ajo zbaton reformat kryesore strukturore për të krijuar një të ardhme më të begatë për popullin e saj.
Të dy udhëheqësit do të diskutojnë gjithashtu një gamë të gjërë çështjesh të interesit të përbashkët, përfshirë bashkëpunimin e mbrojtjes, përpjekjet globale për të luftuar terrorizmin dhe bashkëpunimin rajonal.”
Kulmi i vizitës tre-ditore të udhëheqësit grek është një takim sot me presidentin Obama.
Arsyeja kryesore e kësaj vizite duket se është mbështetje për qeverinë greke ndërsa ajo përpiqet për të nxjerrë vendin nga vështirësitë e vazhdueshme financiare që kanë shkaktuar pakënaqësi të gjëra mes qytetarëve të saj.
Gjatë qëndrimit në Uashington, Samaras në vizitën e tij pritet të vizitojë zyrat e gazetës “Ëashington Post” e cila u shit kohët e fundit.
Samaras do të ndalet edhe në Nju Jork, për bisedime me Sekretarin e Përgjithshëm të OKB-së Ban Ki-Moon, Kryetarin e Bashkisë Michael Bloomberg dhe investitorë greko-amerikane.
/Sonila Qazimi/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *