Qeveria ka vendosur me anë të një vendimi rritjen e rrogave në rang vendi nga 24.000 lekë që është aktualisht, në 26.000 lekë.

Vendimi i qeverisë

Paga bazë minimale për punonjësit, në shkallë vendi që është  e detyruar për çdo individ, juridik a fizik, vendas apo i huaj, të jetë 26.000 lekë.

Paga bazë minimale mujore jepet për 174 orë punë në muaj, te kryera gjatë kohës normale të punës.

Paga bazë minimale orare të jetë 149 lekë. Shtesat me karakter të përhershëm jepen mbi bazën e pagës.

Vendimi nr.399, datë 3.05.2017. i Këshillit të Ministrave, “Për përcaktimin e pagës minimale në shkallë vendi”, shfuqizohet.

Ky vendim hyn në fuqi pas botimit në “Fletoren zyrtare” dhe fillon zbatimi nga 1 janar 2019.

G.Asllani