Një grup prej 40 huliganësh maqedonas, kanë rrahur dje 4 të rinj në Qendër të Shkupit.  Të rinjtë maqedonas teksa po protestonin kundër lëvizjes së LGTB-ve kane shfrytëzuar rastin për të rrahur barbarisht djemtë shqiptarë.

Të rinjtë janë dërguar menjëherë në spital pasi ishin lënduar rëndë fizikisht.  Njëri prej të lënduarve, Sherif Rexhepovski ka dëshmuar për policinë se ai sëbashku me shokët janë sulmuar pa asnjë arsye deri sa po shëtisnin në qytetin e Shkupit.

Babai i Sherifit shprehet i revoltuar dhe kërkon nga organet e rendit që të identifikojnë sulmuesit duke shfrytëzuar kamerat e vendosura në qendër.

/ Elta Liksenaj /