Presidenti iranian Hassan Rouhani përsëriti edhe njëherë qëndrimin e vendit të tij se Irani ka të drejtë të zhvillojë një program bërthamor për qëllime paqësore.

Gjatë një fjalim të mbajtur dje në Asamblenë e Përgjithshme të Kombeve të Bashkuara në Nju Jork, Rouhani tha se Republika Islamike “është e përgatitur për t’u angazhuar menjëherë në bisedime të kufizuara në kohë dhe të orientuara në rezultate, për të ndërtuar besim të ndërsjellë”.

Ai gjithashtu ka mohuar zhvillimin e armëve bërthamore, duke bërë të ditur se se armët e tilla nuk kanë vend në politikat e mbrojtjes dhe të sigurisë së Iranit.

Lideri i iranjanëve the se ai është i gatshëm për një dialog traspatent të menjëhershëm me Shtetet e Bashkuara dhe Perëndimin në lidhje me programin bërthamor të Iranit.

Rouhani

tha se sanksionet e imponuara mbi Iranin për ambicjet e tij bërthamore kanë dëmtuar rëndë ekonominë e saj.

Fjalimi i zotit Rouhani shënoi paraqitjen e tij të parë në skenën botërore. Zgjedhja e tij në qershor duket se ka krijuar një terren të ri diplomatik nga udhëheqja e Iranit.