Mesfushori shqiptar Valdet Rama shënon golin e parë në La Liga me akipin e  tij Real Vajadolid. Futbollisti i kombëtares sonë shënoi një supergol në përfundim të ndeshjes Atletik Bilbao-Vajadolid, e përfunduar me rezultatin 4-2.

Rama e mori topin nga mesi i fushës duke shmangur të gjithë kundërshtarët që i dilnin përpara dhe e dërgon në rrjetë, megjithëse goli i tij nuk e shmangu humbjen e skuadrës.

Mesfushori i Kombëtares hyri në fushë si zëvendësues në minutën e 75-të. Real Vajadolid po kalon një periudhë jo të mirë, pasi ndodhet në zonën e rënies nga kategoria.

/Objektiv.al/