Kryeministri, Edi Rama nuk do të anullojë vizitën në Beograd më 22 tetor, për shkak të akuzave që politikanët serbë kanë bërë për vëllain e tij për incidentin e ndeshjes. Këtë deklaratë e citon agjencia “Reuters”, të cilën Rama e ka bërë gjatë një fjalimi të tij në universitetin “Harvardit” në SHBA.

“Ai tha se nuk do të lejojë akuzat e bëra nga zyrtarët serbë, se vëllai i tij kishte qenë përgjegjës për incidentin në stadium, të prishi planet e tij për të vizituar kryezytetitn serb në 22 tetor, në atë që do të jetë vizita e parë në Beograd e një udhëheqësi shqiptar prej 70 vjetësh. Ne nuk duhet të nxitemi nga kjo lloj politike e së kaluarës dhe nga urrejtja e së kaluarës. Ne nuk duhet të nxitemi nga ajo që ndodhi në një lojë futbolli.” citoi Reurters  Kryeministrin Rama, duke vijuar: “Unë jam shumë i vendosur përtë shkuar përpara.”

Ndërkohë në një tjetër intervistë të dhënë për televizionin “France24” direkt nga Bostoni, Rama e cilësoi incidentin një tentativë të dëshpëruar për t’ia vënë fajin Shqipërisë, kur ndeshja e futbollit u transformua në një arenë raciste etnike.  Lidhur me vizitën në Beograd Rama nuk dha një përgjigje të qartë ndërkohë që u shpreh se do të vazhdojë rrugën e dialogut dhe kooperimit në rajon.

/Objektiv.al/