Qeveria shqiptare sot ka kaluar projekt-ligjin për faljen e gjobave të vendosura nga kontrollet tatimore gjatë periudhës 1 Mars deri në 31 Gusht 2013. Këshilli i ministrave i cilësoi si të padrejta gjobat e vëna para, gjatë dhe pas periudhës elektorale. Ministri i Zhvillimit Ekonomik, Arben Ahmetaj thotë se projektligji parashikon edhe mënyrën e trajtimit
Qeveria shqiptare sot ka kaluar projekt-ligjin për faljen e gjobave të vendosura nga kontrollet tatimore gjatë periudhës 1 Mars deri në 31 Gusht 2013. Këshilli i ministrave i cilësoi si të padrejta gjobat e vëna para, gjatë dhe pas periudhës elektorale.
Ministri i Zhvillimit Ekonomik, Arben Ahmetaj thotë se projektligji parashikon edhe mënyrën e trajtimit për bizneset që kanë paguar gjobat që u janë vendosur gjatë kësaj periudhe dhe e konsideron këtë projektligj një hap të rëndësishëm në përmirësimin e marrëdhënieve mes biznesit dhe Qeverisë.
“Ndërsa deri dje gjobat përdoreshin si instrument i presionit politik, apo për të mbushur arkat e zbrazura nga keq-menaxhimi, ky kapitull i turpshëm i marrëdhënies shtet-biznes ka përfunduar, nuk ndodh më”, shtoi Ahmetaj.
/Enkeleda Cami/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *