Edi Rama dhe Ilir Meta zhvılluan sot një takim me njëri-tjetrin, në të cilin u diskutua për kabinetin e ri qeveritar, dhe bashkëpunimin që do ketë PS e LSI. Ashtu siç është parashikuar Rama do të jetë kryeministri i ri i Shqipërisë, ndërsa Meta kryetari i Kuvendit. Pasi këta të fundit kanë rënë vetë dakort
Edi Rama dhe Ilir Meta zhvılluan sot një takim me njëri-tjetrin, në të cilin u diskutua për kabinetin e ri qeveritar, dhe bashkëpunimin që do ketë PS e LSI. Ashtu siç është parashikuar Rama do të jetë kryeministri i ri i Shqipërisë, ndërsa Meta kryetari i Kuvendit. Pasi këta të fundit kanë rënë vetë dakort për këto poste.
“U ra dakord që në funksion të një ndarjeje të përgjegjësive për të përmbushur me sukses detyrimet që burojnë prej votës plebishitare të 23 qershorit për Aleancën për Shqipërinë Europiane, kryetari i PS Edi Rama do të drejtojë qeverinë e re, ndërsa kryetari i LSI Ilir Meta do të drejtojë Kuvendin e ri|”-thuhet në deklaratën e PS-së.
Gjatë takimit që zgjati për rreth 2 orë e 30, bëhet me dije se është rënë dakord edhe për ngritjen e një grupi të përbashkët pune, për planin e detajuar të punës së 300 ditëve të para.
“U vlerësua se pikësëpari një grup i përbashkët pune nën drejtimin e Sekretarit të Programit të PS, Ilir Beqja, dhe anëtarin e kryesisë së LSI Edmond Haxhinasto, duhet të nisë menjëherë nga puna për planin e detajuar të punës së 300 ditëve të para që do t’i paraqitet publikut në muajin shtator. Ky grup pune do të vendosë kontakte me grupet e interesit si edhe me ekspertë vendas e të huaj të nivelit më të lartë”-tha zyra e shtypit të PS-së.
Ndër të tjera pritet të krijohet një Task Force në mbështetje të plotë të projektit të TAP. “Kjo Task Force duhet të bëhet operative për të ndjekur fazën përgatitore të projektit si edhe për të organizuar në bashkëpunim me partnerët në këtë projekt, procesin e kualifikimit të burimeve njerëzore vendase që do të përfshihen në fazën e realizimit të projektit”-thkesohet më tej në deklaratë.
Gjithashtu temë e këtij takimi u nënvizua edhe nevoja për t’i dhënë vendit një skuadër qeverisëse që do të sjellë një model të ri sjelljeje e veprimi në procesin qeverisës.
/Erzen Carja/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *