Bebet  fillojnë të qajnë që me lindjen e tyre. E qara për bebet konsiderohet një urë komunikimi. Bebet  qajnë më shumë gjatë 2 muajve të parë, më pas e qara e tyre zvogëlohet.

Eshtë e vështirë të kuptoni pse qajnë bebet, për të kuptuar arsyen e të qarit duhet të jesh i kujdesëshëm dhe të mësohesh me faktin se kjo do të  zgjasë për disa kohë.

• Asnjëherë nuk duhet t’i lini bebet tuaja të qajnë. Kjo është një mënyrë e mirë për të fituar besimin e tyre.
• Nëse bebi juaj qan do të thotë se diçka nuk shkon, ose kërkon thjesht një përqafim nga ju .
• Kontrolloni çdo nevojë të fëmijës suaj. Nëse keni punë mund ta vendosni bebin në një vend që mund t’ju shohë.

Arsyet pse bebet qajnë: 

Uria: Në muajt e parë, uria mund të jetë shkaktar i të qarës. Përpiquni ta ushqeni bebin tuaj në orarin e duhur.

Temperatura: Duhet të keni kujdes për temperaturën , sidomos në ditët e ftohta duhet t’ia kontrolloni vazhdimisht.

Lodhja e tepërt : Lodhja mund të shkaktojë pagjumësi. Në këtë rast pagjumësia bëhet shkak për të qarën. Lodhja mund të kompesohet me një shëtitje.

Gjendja juaj shpirtërore : Bebi juaj preket shpejt nga lodhja, mërzitja. Duhet të jeni vazhdimisht e buzëqeshur  dhe e dashur me të.

/Rabihana Halili/