Agjencia Kombëtare e Provimeve bëri të ditur se është mbyllur procesi i korrigjimeve për provimet e Letërsisë.

Notat e çdo maturanti janë duke u hedhur në sistemin elektronik të cilat nesër do të mbyllen. Rezulatet flasin për një numër të vogël mbetësish, ndërkohë që numri i maturantëve që janë vlerësuar me notën dhjetë është më i ulët se një vit më parë.

AKP-ja tha se përgjigjet e Letërsisë do t’i publikojë pas përfundimit të provimit të Matematikës, që maturantët të mos ndikohen nga notat.

Përgjigjet e testeve që mendohet se janë kopje do të dalin pas 10 ditësh, pasi do kalojnë në një komision verifikimi.

Rezultatet e provimit do të publikohen në faqen zyrtare të Ministrisë së Arsimit, “mash.gov.al”, duke mësuar notën nëpërmjet barkodit që kanë marrë në shkollën e mesme.

/Muzafere Dema/