Banorët e komunës Zharzë kanë dalë sot në protestë për rreth 30 minuta para zyrave të kompanisë së naftës “Bankers” për shkak të mosreagimit të saj ndaj shpërthimeve që kanë ndodhur dhe po ndodhin në disa vendburime nafte ku në duar mbanin disa pankarta ku mbishkruhej, “Bankers, stop naftës! Pasuri, jo fatkeqësi!, protestuesit ishin me fytyrat e lyera me naftë.

Menjëherë që në momentin që ka nisur të shfaqej ky problem, banorët e kanë ngritur zërin

duke protestuar deri në bllokimin e rrugës kombëtare Fier-Roskovec, por nuk kanë mundur të gjejnë zgjidhje as nga shteti, as nga kompania e huaj.

Shpërthimet kanë vënë në rrezik jetën e tyre pasi po vazhdojnë të dëmtojnë shtëpitë e fshatarëve prej vitesh, të çajnë muret dhe tavanët, por që deri tani asgje nuk është bërë për të penguar ato.

/Xhevahir Qardaku/