Që nga viti 2002 e këtej, procesi i privatizimit u ka ‘’kushtuar” qytetarëve të Kosovës qindra-mijëra vende pune. Ekspertë të ekonomisë thonë se procesi i privatizimit e ka lodhur edhe më shumë ekonominë e vendit. Drejtori i Departamentit të Mirëqenies Sociale në MPMS, Muhamet Gjocaj, ka deklaruar për gazetën “Zëri” se numri i familjeve që
Që nga viti 2002 e këtej, procesi i privatizimit u ka ‘’kushtuar” qytetarëve të Kosovës qindra-mijëra vende pune. Ekspertë të ekonomisë thonë se procesi i privatizimit e ka lodhur edhe më shumë ekonominë e vendit.
Drejtori i Departamentit të Mirëqenies Sociale në MPMS, Muhamet Gjocaj, ka deklaruar për gazetën “Zëri” se numri i familjeve që jetojnë nga asistenca sociale vazhdon të jetë i njëjtë thuajse nga viti 2006 e këndej. Sipas tij, para 7 viteve Ministria ka pasur shumë kërkesa për asistencë pasi si pasojë e privatizimit të ndërmarrjeve të mëdha, shumë persona i humbën vendet e tyre të punës.
Ekspertët e ekonomisë janë shprehur më tej se Kosova është thuajse rast i vetëm ku privatizimi ka sjellë papunësi dhe probleme ekonomike, e jo punësim e zhvillim.
Sipas Dardan Sejdiut, njohës i rrethanave ekonomike nga Lëvizja “Vetëvendosje”, privatizimi në Kosove, ka si qëllim vetëm shitjen e ekonomisë.
“Dhe duke mos qenë i tërë procesi në funksion të zhvillimit të vendit, por vetëm në funksion të transformimit të pronësisë dhe pasurimit të shitë – blerësve, kemi përfunduar me një ekonomi të de-industrializuar, rrjedhimisht pa prodhim dhe si pasojë me deficit tregtar i cili vjen e rritet vit pas viti, por mbi të gjitha kemi përfunduar me papunësi të një shkalle alarmante”, tha ai.
Procesi i privatizimit ka shkatërruar kështu çdo potencial të Kosovës për zhvillim, duke nxjerrë kapitalin vendor jashtë vendit.
/Elta Liksenaj/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *