Iftaret për nder të muajit të Ramazanit tashmë janë shndërruar në një traditë nga krerët e lartë të shtetit. Pas iftareve të shtruara nga kryeministri i ardhshëm Edi Rama dhe nga kryetari i Bashkisë së Tiranës Lulzim Basha, mbrëmë Presidenti i Republikës, Bujar Nishani, ka mikëpritur besimtarët muslimanë në një iftar në ambientet e Pallatit
Iftaret për nder të muajit të Ramazanit tashmë janë shndërruar në një traditë nga krerët e lartë të shtetit. Pas iftareve të shtruara nga kryeministri i ardhshëm Edi Rama dhe nga kryetari i Bashkisë së Tiranës Lulzim Basha, mbrëmë Presidenti i Republikës, Bujar Nishani, ka mikëpritur besimtarët muslimanë në një iftar në ambientet e Pallatit të Brigadave.
Në fjalën e tij, Presidenti Nishani theksoi se Muaji i Ramazanit është një rit madhështor e kuptimplotë.
“Në këto ditë, besimtarët ngrenë lart sakrificat. Me anë të agjërimit ju tregoni superioritetin e virtytit mbi vesin. Përmes kësaj sfide që bëni, ju bëni atë që më tepër se gjithçka i duhet njerëzimit, dëshmoni dhe forconi besimin tek Zoti”, tha Nishani.
Gjatë fjalës së tij, Presidenti i Republikës solli në kujtesë vitet e komunizimit, kur feja ishte e ndaluar, por ai vlerësoi lartë besimtarët, të cilët në mënyrë të fshehtë vijonin të ruanin traditat e besimit.
Të pranishëm ishin përfaqësuesit e Komunitetit Musliman, diplomatë dhe personalite të tjera të shquara të vendit.
/Elta Liksenaj/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *