Ka përfunduar me sukses takimi i 5-të Rajonal i Presidentëve të Shqipërisë, Kosovës, Malit të Zi dhe Maqedonisë.

Nga ana tjetwr ajo që u vu re mungesa e Presidentit

të Serbisë dhe Bosnje, pavarësisht marrjes së ftesës përkatëse.

Ky takimi u zhvillua Durrës, ku kreu i shtetit shqiptar, Bujar Nishani në rolin e mikpritësit vlerësoi se samiti është kontribuues për fqinjësi të mirë dhe bashkëpunim të ngushtë mes 3 vendeve.

“Dje dhe sot pata privilegjin të kisha të ftuar dhe pjesëmarrës në samitin e 5-të të presidentëve të rajonit, presidenten e Kosovës edhe presidentin e Maqedonisë dhe Malit të Zi. Samiti ishte një rast tjetër i vijimësisë së kontributeve tona të përbashkëta, në konsolidimin jo vetëm të takimeve dhe forcimit të miqësisë mes nesh, por dhe shprehjes së ideve tona në funksion të objektivave të përbashkët, ku spikat kontributi për fqinjësisë ë mirë dhe bashkëpunimit të ngushtë mes vendeve tona”, u shpreh Nishani.

“E ardhmja është një e ardhme e përbashkët dhe jemi optimist”, theksoi presidenti shqiptar teksa shtoi se ‘si president kemi jo vetëm zërin e fortë, por edhe rol në shtytjen që duhet ti japim realizimit të reformave që duhen për rrugëtimin evropian’

“U nënvizua më shumë dhe më fortë, mundësia e rrugëtimit të përbashkët të integrimit të BE. Integrimi në BE është dhe mbetet prioritet kryesor dhe ky rrugëtim i përbashkët do i bëjë proceset me eficente”, tha Nishani.

/Sonila Qazimi/