Tokat bujqësore që deri më tani janë shitur me një taksë prej 10 për qind tani e tutje kjo taksë nuk do të paguhet më. Heqja e kësaj taksës është argumentuar nga qeveria si një vendimarrje, që do të ndikojë pozitivisht për shtimin dhe zgjerimin e fermave në vendin tonë.

Me rritjen e garanteve për aktivitetin bujqësor, vetë fermerët kanë kërkuar që të zgjerojnë sipërfaqet e tokave bujqësore që ata kanë në zotërim, me qëllim përfitimin nga skema e subvencioneve.

Sipërfaqja e tokës që do të shitet duhet të jetë mbi 1 mijë m² me kusht që blerësi i saj të jetë një fermer apo një person i cili dëshiron të operojë në fushën e bujqësisë me qëllim që ky person të mos e  ndryshojë destinacionin për të cilën është  blerë kjo tokë bujqësore.

/Erina Haxhiu/