Ish shefi i Zyrës legale të UNMIK-ut, Aleksander Borg Olivier ka kritikuar dialogun Kosovë- Serbi, pasi sipas tij ky dialog është në disfavor të Kosovës.

Në një intervistë për gazetën “Tribuna” Olivier ka thënë se Kosova po trajtohet si e pabarabartë në dialogun me Serbine.

Sipas tij, Kosova nuk duhet  të kishte hyrë në një proces ku pala tjetër turpërohet që të vë firmën në një marrëveshje me palën kosovare.

Avokati Borg Olivier ka analizuar marrëveshjen e Brukselit dhe Ligjin për amnisti, derisa ka kërkuar nga pala kosovare që të ketë konsensus në këtë dialog dhe të kërkojë qartësi nga BE-ja.

Olivier ka qënë autoriteti kryesor ligjor në Kosovë në kohën e UNMIK-ut.

/ Elta Liksenaj /