Presidenti Barak Obama deklaron se Shtetet e bashkuara të Amerikës po përpiqen që të krijojnë mënyra të ndryshme për të ushtruar më shumë presion mbi regjimin sirian të Bashar al-Asadit.

“Nuk presim që kjo krizë të zgjidhet menjëherë dhe për një kohë të shkurtër, por nga ana tjetër duhen marrë masa të menjëhershme për të ndihmuar gjendjen humanitare në Siri”, deklaroi Obama gjatë një takimi me mbretin e Jordanisë, Abdallahu II.

Në takimin e organizuar posaçërisht për çështjen e konfliktit sirian që po zgjat rreth tre vite, Obama u shpreh i vendosur për të ushtruar më shumë presion mbi al-Asadin.

/Objektiv.al/