Një britanik në “krye” të qeverisë shqiptare

0

Politikani i njohur britanik, Toni Bler, drejtoi dje mbledhjen e qeverisë shqiptare. Ish-kryeministri i Britanisë së Madhe që ka mbajtur këtë detyrë në periudhën 1997-2007, do të japë këshilla për Shqipërinë në përpjekjet për t’u integruar në Bashkimin Evropian.

Kryeministri i Shqipërisë, Edi Rama ka sqaruar se angazhimi i z. Bler është “vullnetar”.

Lajmi për vizitën e tij në Tiranë ka bërë jehonë në mediet më prestigjioze botërore, si: Daily Mail, Huffingtonpost, Washington Post, BBC, Telegraph, SKY, etj..

Titulli i “Daily Mail” është: Puna më e re e Toni Blerit: Ish-kryeministri britanik do të ndihmojë Shqipërinë për anëtarësimin në BE.

Washington Post” shkruan: Ish-kryeministri i Britanisë së Madhe, Toni Bler, këshillon qeverinë e re të Shqipërinë në përpjekjet e saj për t’iu bashkuar 28 vendeve të BE-së.

Edhe “Independent” vë theksin tek integrimi në BE, ku titulli që shoqëron shkrimin për vizitën e Bler në Tiranë është: Ish-kryeministri Toni Bler do të ndihmojë Shqipërinë për t’iu bashkuar BE-së.

Ndërsa “Express” tregohet cinike pasi lajmin e jep me titullin: Toni Bler do të ndihmojë 3 milionë shqiptare që të fitojnë të drejtën për të punuar në Britaninë e Madhe.

Kurse BBC e pasqyron lajmin me titullin: Toni Bler i bashkohet fushatës së Shqipërisë për anëtarësimin në Bashkimin Evropian.

 /Objektiv.al/

toni1

toni2

toni3

toni4

toni5

toni6

toni7

PËRGJIGJU

Please enter your comment!
Please enter your name here