Qyteti i qetë i Kuçovës u trondit sot në mesditë nga vrasje e një 32-vjeçari për shkaqe banale. Artan Braushi, baba i dy fëmijëve, është qëlluar disa herë me thikë nga 36-vjeçari Elton Beri gjatë një grindjeje për një vend parkimi.

Dyshohet se pas grindjes verbale, 36-vjeçari Beri ka qëlluar me thikë mbi 32-vjeçarin Braushi, i cili ka ndërruar jetë pak minuta më pas. Autori i ngjarjes është arrestuar, ndërkohë që policia po vijon punën për zbardhjen e plotë të rrethanave.

/Objektiv.al/