Niveli i dioksidit të karbonit në atmosferë ka thyer pragun simbolik, 400 pjesë për milion (ppm), për herë të parë duke shënuar një nivel rekord të gazrave serë, deklarojnë monitoruesit amerikanë.

Shkencëtarët e klimës thanë se rezultatet duhet të shërbejnë si një thirrje për veprim për të zvogëluar  dëmin e shkaktuar nga aktivitetet njerëzore dhe përdorimi  i vazhdueshëm i  lëndëve djegëse ndotëse.

Toka nuk i ka pasur këto nivelet e dioksidit të karbonit në miliona vjet, tha Bob Ward, drejtori i komunikimit në Institutin e Kërkimeve Grantham mbi Ndryshimin e Klimës dhe Mjedisit .”Ne jemi duke formuar një klimë parahistorike në të cilën shoqëritë njerëzore do të përballen me rreziqe të mëdha dhe potencialisht katastrofike”, vazhdon Ward.

/Jola Lozhi/