Parlamenti i ri do të mblidhet më 9 shtator. Presidenti i Republikës, Bujar Nishani, dekretoi sot datën e fillimit të punës së legjislaturës së re.

Kjo është legjislatura e 19-të për Kuvendin e Republikës së Shqipërisë.

“Në mbështetje të nenit 67, pika 1 dhe nenit 93 të Kushtetutës së Republikës së Shqipërisë, Presidenti i Republikës, Bujar Nishani dekretoi mbledhjen e Legjislaturës së XIX të Kuvendit të Republikës së Shqipërisë, ditën e hënë, datë 9 shtator 2013, ora 18:00”, thuhet në njoftimin e Presidencës.

/Romina Qama/