Ish-nënkryetari i Kuvendit të Shqipërisë dhe njëkohësisht deputet i Lëvizjes Socialiste për Integrim, Nasip Naço, pas rezultateve paraprake, ku ai rezulton fitues si deputet i Kuvendit të ardhshëm, në një intervistë për Top Channel deklaroi se: “Jemi forcë kryesore në Shqipëri”.

Sot që flasim, “LSI është forcë kryesore në Shqipëri, ndërkohë është e qartë se ne jemi lokomotiva, vagonët kanë mbetur në vend”,- deklaroi ai në një intervistën e tij.

Sipas z. Naço, Partia Socialiste nuk ka patur rritje krahasuar me zgjedhjet e vitit 2009, Lëvizja Socialiste për Integrim është ajo që ka arritur një rritje 4 herë më shumë se në zgjedhjet e kaluara.

/Bekim Bici/