Myanmari bëhet vendi i 106-të që njeh pavarësinë e Republikës së Kosovës. Nëpërmjet një note verbale, Ministria e Punëve të Jashtme të Unionit Myanmar (Birmani) ka njoftuar Ministrinë e Punëve të Jashtme të Kosovës se ka njohur Republikën e Kosovës si shtet sovran e të pavarur, raporton RTK.

Myanmari ndodhet në Azinë juglindore dhe ka një popullsi prej 60 milionë banorësh dhe një sipërfaqe prej 676 mijë kilometrash katrorë. Myanmari është vendi i 106-të që ka njohur deri më tani Republikën e Kosovës dhe i dyti për vitin 2014.

/Objektiv.al/