Përfundimi i takimit pa një marrëveshje, mes kryeministrit të Kosovës Hashim Thaçi dhe atij të Serbisë, Ivica Daçiç pritet të ketë ndikim në të gjithë procesin zgjedhor në Kosovë.

Pas shtatë orë bisedimesh në Bruksel, ku çështjet kryesore kanë qenë telekomunikacioni, energjetika si dhe listat e votuesve që do të përdoren në zgjedhjet lokale në veri të Kosovës, nuk u arrit asnjë marrëveshje. Ndërkohë që afati i regjistrimit të partive politike për të marrë pjesë në zgjedhjet e 3 nëntorit po përfundon.

/Elona Tereziu/