Ndonëse fitoi me rezultat të pastër 4-0 ndaj ekipit të series B, Cittadella, Walter Mazzarri tregon se Interi po luan vetëm me 60% të potencialit të tij.

Në një deklaratë për Inter Channel, Mazarri thotë: “Ne e pamë si mund të performojmë me 60 për qindëshin tonë, edhe pse në fund krijuam shumë dhe qëndruam të fokusuar”.

“Nëse shikojmë rezultatin, gjithçka duket e lehtë, por nuk shkoi ashtu. Cittadella ishte e organizuar mirë dhe i mbylli hapësirat”.

Duke iu drejtuar skuadrës ai tha se: “Kur të vijë koha dua të shoh lojë më të shpejtë nga ana jonë”.

/Bekim Bici/