Trajneri i Interit, Valter Maxarri, ka deklaruar se ekipi i tij është shumë i motivuar dhe se lojtarët janë të gatshëm që të kompensojnë sezonin e kaluar me një vit triumfues.

“Unë ende nuk kam biseduar me të gjithë lojtarët, vetëm me pesë prej tyre nuk kam biseduar. Është me rëndësi që të flas me ta dhe që të njihem personalisht. Përshtypja ime e parë është që ata janë të gatshëm për këtë sfidë. Ata janë profesionistë dhe puntorë të mëdhenj të cilët duan që të kompensojnë sezonin e kaluar”.

“Futbolli është për emocione, ju duhet të mbaheni në emocionet e njerëzve, unë e shoh se motivimi është tejet i lartë në grupin tim”, ka deklaruar Maxarri.

/Ariglon Pali/