Qyteti i Librazhdit ka nisur procesin e numërimit të votave pas orës 10:00. Shkak për këtë bllokim është bërë mungesa e komisionerëve të PD-së.

Një vonesë e dukshme në nisjen apo vazhdimin e procesit të numërimit është vërejtur edhe në qytetin e Tiranës.

Në KZAZ-në e vendosur në shkollën “Vasil Shanto”, në njësinë 5 në Tiranë, e cila njëkohësisht është edhe njësia më e madhe në kryeqytet, nga 110 qendra janë numwruar vetëm 7 kuti.

Ndërsa në tërësi në Tiranë janë numëruar vetëm 95 kuti nga 1422 gjithsej.

Edhe në kryeqytet ashtu si në shumicën e qyteteve tjera deri më tani nga votat e numëruara në avantazh është koalicioni majtë.

/Erzen Carja/