Kromi gjashtëvalent (chromium 6) shkakton kancer të mushkërive dhe për këtë arsye kontrollohet nga Agjensioni për Mbrojtje të Ambientit.

Një lloj i kromit, ka shkaktuar kancer te kafshët laboratorike kur ato e pinë atë me ujë dhe mund të jetë i dëmshëm edhe për njerëzit (duke iu referuar Institutit Kombëtar të Shëndetit, SHBA).

Ambientalistët me dekada kanë luftuar të shmangin sasinë e kromit në ujë dhe zbulimet e fundit kanë ofruar mundësinë për limitimin e kësaj sasie.

Dozat e larta të kromit 6 që iu janë dhënë minjve laboratorikë kanë shkaktuar tumore malinje, sidomos në kavitetin oral dhe në zorrën e hollë.

Mirëpo, duhet të kemi parasysh se dozat që iu dhanë kafshëve laboratorike ishin shumë të larta në krahasim me ato që mund t’i marrin njerëzit duke pirë ujin e kontaminuar me krom.

Kromi gjashtëvalent, zakonisht përdoret në pllakat elektrike, në fabrikat e lëkurës, tekstilit dhe është gjetur një sasi edhe në ujin e pijshëm.

Industria e kromit me vite të tëra mundohet të bind ligjvënësit se kromi gjashtëvalent nuk është i dëmshëm kur konsumohet me ujë, edhe pse dihet që është kancerogjen nëse inhalohet.

Mirëpo, të dhënat që përmendëm, do të detyrojnë në vënien e ligjeve të reja rreth kontaminimit të ujit me

krom.

/Sonila Duka/